भंडारा विभागीय प्रतिनिधी चक्रधर मेश्राम दि. 29 जून 2021:-
साकोली तालुक्यातील बाम्पेवाडा ग्रामपंचायत कोरोना काळात जनजागृतीवर अग्रेसर ठरली असून मागील २०२० मध्ये गावात एकही कोविड १९ रूग्णाची नोंद नाही.
तसेच गावातील प्रत्येक वार्डातील स्थळांवर कोविड प्रतिबंधक जनजागृतीवर फलके, जनतेत घरपोच माहीतीद्वारे आरोग्य शिबीराचे आयोजनात सर्व श्रेय व विशेष योगदान ग्रामपंचायत कमिटी व ग्रामवासीयांना दिले आहे असे कर्तव्यदक्ष महिला सरपंचा सौ. नयना चेतन चांदेवार यांनी माहिती दिली.
त्याचबरोबर गावात आताही कोरोना काळात शासकीय नियमांचे पालन करण्यासाठी सतत कमिटी प्रयत्नशिल आहेत, गावयोजनेत सौरउर्जा सोलर वाटप, विहीरींचे सुरक्षा कठडे, एलपीजी गैस वितरण, शेतक-यांना कृषि विषयक शिबीरात मार्गदर्शन
फवारणी पंप, ताडपत्री, पं.स. अंतर्गत कृषि साहित्यमालांचे वाटप, पिकविमा लाभ यासारखे अनेक योजनांचा लाभ व घरपोच माहीतीद्वारे संपूर्ण कमिटी अग्रेसर असतात .यात उपसरपंच ओमप्रकाश फुंडे, सदस्य भुमिता जांभुळकर, कल्पना चिरवतकर, अविनाशिक मेश्राम, वर्षा कुंभलकर, इंदिरा बन्सोड, यशवंत कठाणे, अनिरूद्ध राऊत, अनिता वघारे व सचिव विरेंद्र काशिवार यांचा सिंहाचा वाटा आहे हे विशेष.
