आटपाडी प्रतिनिधी (पोपट वाघमारे)
आटपाडी येथे विश्वरत्न डॉक्टर बाबासाहेब आंबेडकर यांचा अर्धकृती पुतळा सांगोला चौक आटपाडी येथे बसविला होता परंतु महसूल व बांधकाम विभाग यांच्या माध्यमातून पोलिसां करवी हा पुतळा हटविण्यात आला त्यानंतर आंबेडकर प्रेमी यांनी आटपाडी ते मुंबई लॉंग मार्च चे आयोजन केले व या लॉंग मार्चला प्रशासनाने थांबवण्यात यश मिळवले असले तरी तालुक्यातील बौद्ध बांधवात ज्या जागेवर पुतळा होता त्याच जागेवर असावा असा एक गट तयार झाला आहे व डॉक्टर बाबासाहेब आंबेडकर बचत धाम येथे विश्वरत्न डॉ बाबासाहेब आंबेडकर यांचा पुतळा बसवावा असाही एक गट तयार झाला आहे त्यामुळे आंबेडकर प्रेमी जनता संभ्रमावस्थेत आहे.
अशातच रिपब्लिकन पार्टी ऑफ इंडियाचे जिल्हाध्यक्ष राजेंद्र खरात स्वाभिमानी वंचित बहुजन आघाडीचे संस्थापक अध्यक्ष अरुण भाऊ वाघमारे यांच्या नेतृत्वाखाली आटपाडी येथे आंदोलन उभारण्यात आले या आंदोलनाचा हेतू विश्वरत्न डॉ. आंबेडकरांच्या पुतळ्याची कोणत्याही प्रकारे विटंबना होऊ नये म्हणून प्रशासनाच्या अधिकारात हा पुतळा डॉक्टर बाबासाहेब आंबेडकर बचत धाम च्या पुढे सुसज्ज अशा परिस्थितीत बसवण्यात यावा अशी मागणी करण्यात आली.
व विश्वरत्न डॉ बाबासाहेब आंबेडकर यांचा पुतळा आहेत त्याच ठिकाणी सांगोला चौक येथे बसवावा अशा मागणीसाठी बौद्ध चळवळीचे अभ्यासक व नेते विलासराव खरात साहेब यांनी बौद्ध बांधवा समवेत उपोषणाचा मार्ग अवलंबला आहे.
या दोन्हीही घटकांना एकत्रित करण्यासाठी साहित्यिक शंकरराव खरात यांचे नातू रिपब्लिकन पार्टी ऑफ इंडिया खरात गट यांचे राष्ट्रीय अध्यक्ष सचिन खरात यांनी आटपाडी येथे येऊन दोन्हीही गटास विश्वरत्न डॉ बाबासाहेब आंबेडकर यांचा पुतळा आटपाडी येथे व्हावा यासाठी सर्वांनी एकजूट व्हावं अशा सूचना देऊन समाज बांधवांना एकत्रित राहण्याचा सल्ला दिला व डॉक्टर बाबासाहेब आंबेडकर यांचा पुतळा आटपाडी शहरामध्ये माना सन्मानाने प्रशासनाने बसवावा अशीही मागणी करत बौद्ध बांधवांनी एकत्र राहण्याचा आणि डॉक्टर बाबासाहेब आंबेडकर यांचा पुतळा उभा करण्यासाठी प्रशासनाला सहकार्य करण्याचा सल्ला दिला.
संपादक जनविद्रोही डॉ.कुमार लोंढे मो.7020400150
