भारतरत्ना कडून फसवणूक…!!
पुणे प्रतिनिधी -पुण्यातील व परिसरातील आरोग्याच्या समस्या असणाऱ्या सामान्य लोकांची (सेवा) उपचार करण्यासाठी सरकारने ‘दीनानाथ मंगेशकर हॉस्पिटल’ ला करोडोची जमीन एक रुपया भाड्याने दिली. मात्र दीनानाथ मंगेशकर हॉस्पिटलमध्ये सामान्य नागरिकांना कधीही उपलब्ध नसतो किंवा कोणताही उपचार केला जात नाही.
महाराष्ट्र सरकारचे दीनानाथ मंगेशकर व इतर सर्व धर्मदाय मोठ्या हॉस्पिटलांना स्पष्ट आदेश आहेत की, गोरगरीब नागरिकांना (ज्यांची परिस्थिती नाजूक आहे अशा लोकांना) या ठिकाणी नाममात्र अर्थात मोफत स्वरुपात उपचार दिले गेले पाहिजे. त्यासाठी काही खाटा आरक्षित केलेल्या असतात. मात्र लोकांना सरकारच्या नियमानुसार दीनानाथ मंगेशकर हॉस्पिटलमध्ये गरिबांना उपचार मिळत नाहीत.
याउलट लोकांची फसवणूक करून लाखो रुपयांचा गंडा दीनानाथ हॉस्पिटल घालत असते. आजपर्यंत हजारो लोकांनी (अनुभव) तक्रारी करून सुद्धा त्या लोकांकडून जबरदस्तीने पैसे उकळले गेले, त्यांच्या शंकाचे निरसन आजपर्यंत संबंधित हॉस्पिटलचे ट्रस्टी करू शकले नाहीत. ‘उलट या ठिकाणी भोंदूगिरी चालते.’ दरवर्षी लाखो रुपयांना दीनानाथ मंगेशकर हॉस्पिटल व त्याचे ट्रस्टी सरकारला चुना लावण्याचे काम करतात.
मंगेशकर हॉस्पिटल वर १०० कोटी रुपयांचा दंड…
मंगेशकर कुटुंब व ट्रस्टी मिळून दीनानाथ मंगेशकर हॉस्पिटल चालवतात. सध्या त्यांनी कुठल्या तरी वैद्यकीय संस्थेला ते भाड्याने दिलेले आहे असे कळते. मात्र त्यावर संपूर्ण कंट्रोल हा मंगेशकर कुटुंबाचा आहे.
याच दीनानाथ मंगेशकर हॉस्पिटल ने महाराष्ट्र सरकारची वेळोवेळी फसवणूक केलेली आहे. एक रुपयाच्या भाडेतत्त्वावर असणाऱ्या जागेवर लोकांची (गोरगरीब व आर्थिक दृष्ट्या दुर्बल) अपचार (सेवा) करण्यासाठी आरक्षित असणाऱ्या काही ‘खाटा’ ठेऊन हॉस्पिटल चालवण्याचे सरकारच्या नियमाप्रमाणे परवानगी घेतलेली आहे. मात्र वैद्यकीय क्षेत्राचा धंदा समजून दीनानाथ मंगेशकर हाॕस्पिटल दिवसाढवळ्या अडचणीत असलेल्या नागरिकांच्या खिशावर दरोडा टाकण्याचा एकमेव राष्ट्रीय कार्यक्रम करते.
पुण्याचे जिल्हाधिकारी यांनी दोन वर्षापूर्वी १०० कोटी रुपयांचा दंड दीनानाथ मंगेशकर हॉस्पिटल वर केलेला आहे. मात्र ‘भारतरत्न’ मिळालेल्या मा. लता मंगेशकर यांनी आपली पदाचा गैरवापर करून (राजकीय पाॕवर वापरून) दोन वर्षात १०० कोटी रुपया मधील एक रुपया आणि आज पर्यंत भरलेला नाही. कर्मचाऱ्यांना सुद्धा प्रचंड छळतात अचानक कामावरून काढून टाकतात म्हणून संभाजी ब्रिगेड ने सुद्धा वेळोवेळी हॉस्पिटल समोर आंदोलने केली आहेत. संभाजी ब्रिगेडच्या वतीने पुणे जिल्हाधिकारी यांना विनंती.
