दिनांक 27 /02 /2025 रोजी मा .ह. महाडीक कला व वाणिज्य महाविद्यालय, मोडनिंब येथे कवीवर्य कुसुमाग्रज तथा वि. वा. शिरवाडकर यांच्या जयंतीनिमित्त ” मराठी भाषा गौरव दिन” साजरा करण्यात आला. कार्यक्रमाचे अध्यक्ष महाविद्यालयाचे प्राचार्य डॉ. एस.टी पाटील होते तर, प्रमुख पाहुणे प्रा. सौ पूजा गायकवाड (पत्रकार )होत्या. आपल्या मनोगतात त्यांनी मराठी भाषेचे महत्त्व आणि त्यातून निर्माण झालेले रोजगार याविषयी महत्त्वपूर्ण माहिती दिली. कार्यक्रमात सुरुवातीला कुसुमाग्रजांच्या प्रतिमेचे पूजन मान्यवरांच्या हस्ते करण्यात आले. याच कार्यक्रमाचे औचित्य साधून महाविद्यालयातील यशस्वी विद्यार्थ्यांचा सन्मान करण्यात आला. सचिन रणदिवे (तालुका क्रीडा अधिकारी) दत्तात्रय चव्हाण (तालुका क्रीडा अधिकारी) सुमित सूर्यवंशी (मुंबई पोलीस) सुरजित शिरसागर (मुंबई पोलीस) कुमारी ऐश्वर्या सुर्वे (महसूल सहाय्यक) शिवगंगा नागरे (महसूल सहाय्यक) या कार्यक्रमासाठी आवर्जून उपस्थित असलेले कवी गणेश गायकवाड यांनी आपल्या कवितेचे सादरीकरण केले. कार्यक्रमाचे अध्यक्ष प्राचार्य डॉ. शिवाजी पाटील यांनी आपले अध्यक्षीय भाषणात “भाषेचे महत्व, तिचे संवर्धन करण्यासाठी संतांनी, साहित्यिकांनी कशाप्रकारे योगदान दिले. याची माहिती देऊन विद्यार्थ्यांनी मराठी भाषेतून रोजगाराच्या संधी निर्माण केल्या पाहिजेत असे मत व्यक्त केले ” कार्यक्रमाचे प्रास्ताविक प्रा. डॉ. वामन जाधव यांनी केले तर सूत्रसंचालन प्रा. डॉ. विनोद लंकेश्वर यांनी केले तर आभार प्रा. निलेश माने यांनी मानले. कार्यक्रमासाठी महाविद्यालयातील प्रा. डॉ.संजय गायकवाड प्रा. डॉ. सौदागर साळुंखे प्रा.एच.पी. पाटील प्रा. डी. के. देशमुख प्रा. डॉ. पी. बी.भांगे, प्रा. डॉ.एस.एम. गायकवाड ग्रंथपाल मोहन महाडीक, प्रा. स्वाती बेलपत्रे प्रा. सचिन माने इत्यादी शिक्षक शिक्षकेतर कर्मचारी विद्यार्थी, विद्यार्थिनी बहुसंख्येने उपस्थित होते.
