(MD)गेल्या महिनाभरापासून उजनी (मा) या गावाला विद्युत पुरवठा सुरळीत होत नाही माढा तालुक्यात आमदार अभिजीत (आबा) पाटील यांनी सदर चा विषय गांभीर्यपूर्वक हाताळण्याचा सूचना देऊन देखील महावितरण कार्यालय दुर्लक्ष करत आहे,कडाक्याचे ऊन, कॅनॉल पाण्याने भरून वाहतोय परंतू महावितरण कार्यालयाच्या भोंगळ कारभारामुळे सध्या गावातील शेतकरी ग्रामस्थ यांना मनस्ताप सहन करावा लागत आहे, त्यातच दहावीच्या विद्यार्थ्यांची बोर्ड परीक्षा चालू असून त्यांना लाईट नसल्याने अभ्यास करता येत नाही संबंधीत अधिकारी कर्मचारी यांना गावातील शेतकरी बांधवांनी संपर्क केला असता त्यांच्यासोबत कर्मचारी उद्धटपने वागताना दिसत आहे. शेतकरी राजाची उभी पिके पाण्याविना डोळ्यासमोर जळत आहेत जनावरांना चारा नाही कडबा कुट्टी करता येत नाही बऱ्यापैकी दुधाचा व्यवसाय बरेच शेतकरी करत आहेत परंतू लाईट अभावी त्यांना दुधाच्या मशीनने धारा काढता येत नाही असे अनेक प्रश्न सध्या शेतकरी बांधवांचे महावितरण कार्यालयाच्या नियोजन शून्य कार्यक्रमामुळे होत असल्याने गुरूवार दिनांक 06/03/2025 रोजी छत्रपती संभाजी महाराज चौक कुर्डुवाडी येथे सकाळी दहा वाजल्यापासून सर्व ग्रामस्थांना सोबत घेऊन रस्ता रोको करणार असल्याचे आमच्याशी बोलताना जिल्हा उपाध्यक्ष एम.डी साबळे यांनी सांगितले.
