श्रीपूर प्रतिनिधी,
( बाळासो ओहोळ )
लोककल्याण ग्राहक संरक्षण संस्था महाराष्ट्र राज्य चे राष्ट्रीय अध्यक्ष मा. दिनकरजी आमकर साहेब व उपाध्यक्ष मा. दीपकजी तांबे साहेब यांच्या शिफारशीनुसार मा.प्रा.सदानंद भरत बनसोडे यांची माळशिरस तालुका अध्यक्ष पदी निवड करण्यात आली.
प्रा.सदानंद बनसोडे हे गेली अनेक वर्षे निस्वार्थी सामाजिक कार्य करीत आहेत.त्यांचा वेगवेगळ्या संघटनेच्या माध्यमातून मोठा जनसंपर्क असून त्यांनी मानव अधिकार संघटनेच्या माध्यमातून देखील सर्वसामान्यांना न्याय मिळवून देण्याचे काम केले आहे.
त्यांच्या या सामाजिक कार्याची तसेच ग्राहक संरक्षण कायदा याविषयी प्रबोधनात्मक जनजागृती करून ग्राहकांना न्याय मिळवून देण्याच्या कार्याची दखल घेऊन त्यांना हे पद देण्यात आल्याचे राष्ट्रीय उपाध्यक्ष मा.दीपकजी तांबे साहेब यांनी सांगितले.
आपल्या निवडिविषयी बोलताना प्रा.सदानंद बनसोडे म्हणाले,सामाजिक कार्याची प्रेरणा माझे वडील कालकथित भरत बनसोडे यांच्या कडून मला मिळाली व तो वारसा पुढे चालवणार असून आपण नेहमी सर्वसामान्याच्या न्याय हक्कासाठी, ग्राहकांना न्याय मिळवून देण्यासाठी नेहमी तत्पर असेन असे ते म्हणाले.
यावेळी वेगवेगल्या पदाचे पदाधिकारी व मोठ्या संख्येने कार्यकर्ते उपस्थित होते.
