मोडनिंब प्रतिनिधी,
रविवार दिनांक 25/ 8/ 2024 रोटरी क्लब ऑफ मोडनिंब ला रोटरी डिस्ट्रिक्ट गव्हर्नर रो. डॉ. सुरेश साबू यांनी भेट दिली. डिस्ट्रिक्ट गव्हर्नरनी, रोटीच्या कामाचे भरभरून कौतुक केले.
सुरुवातीला दीप प्रज्वलन करण्यात आले, त्यानंतर पडसाळी येथील हायस्कूलच्या विद्यार्थ्यांनी गणेश वंदना व स्वागत गीत गायले. त्या नंतर सर्व पाहुण्यांचा येथोचित सत्कार करण्यात आला.
त्यामध्ये डिस्ट्रिक्ट गव्हर्नर सुरेश साबू, ए जी विशाल बेले, डिस्टिक सेक्रेटरी रो. सुमित्रा गादिया, तसेच फर्स्ट लेडी निर्मला साबू या सर्वांना शाल हार व विठ्ठल रुक्मिणी ची मूर्ती देऊन गौरवण्यात आले.
सुरुवातीला गिड्डेवाडी येथे जाऊन वृक्षारोपण करण्यात आले. त्यानंतर प्रस्ताविकामध्ये डॉक्टर संतोष दळवी यांनी, झालेल्या कामाचा व इथून पुढे करणाऱ्या कामाचा आढावा सांगितला, ए जी विशाल बेले यांनी रोटरी चे महत्व व काम याबद्दल माहिती दिली.
तसेच भेंड व गिड्डेवाडी येथील आरसीसी क्लबचे स्थापना करण्यात आली. रोटरी इंटरनॅशनल ला क्लब मधील सर्व रोटरीयांसनी देणगी दिली.
तसेच मोडनिंब मधील एक प्लंबर व एक गणपती मूर्तिकार यांना जीवन गौरव पुरस्कार देऊन डिस्ट्रिक्ट गव्हर्नरच्या हस्ते गौरवण्यात आले. यावर्षी रोटरी क्लबच्या वतीने नवीन 15 मेंबर चा गौरव करण्यात आला. सदरहू कार्यक्रमासाठी सोलापूर जिल्हा परिषदेचे माजी समाज कल्याण सभापती शिवाजीराजे कांबळे तसेच मोडनिंब भेंड, अरण, तुळशी या गावातील लोक आले होते.
कार्यक्रमाचे सूत्रसंचालन रो.सुनील पुरवत आणि अतिशय दिमागदार पद्धतीने केले, तसेच आभार प्रदर्शन गोड कार्यक्रम रो.सचिव सुनील रेपाळ यांनी केला.
शेवटी कार्यक्रमास उपस्थित असलेल्या सर्वांनी रुचकर स्वादिष्ट गोड भोजनाचा आस्वाद घेतला.
