दोन वेळा रितसर निकृष्ट कामाची तक्रार करुनही काम सुरूच , कार्यालयीन कामकाजाच्या वेळेत अधिकारी कर्मचारी माञ गायब..
प्रतिनिधी,
सविस्तर वृत्त असे की, माढा तालुक्यातील उजनी (मा) या गावी सार्वजनिक बांधकाम उपविभाग विभाग (PWD) च्या माध्यमातून कोट्यवधी रुपयाचे काम सुरू आहे, परंतु बांधकाम विभाग कुर्डुवाडीच्या अधिकाऱ्यांच्या आशीर्वादाने ते काम अतीशय निकृष्ट दर्जाचे होत असून अंदाज पत्रकानुसार होताना दिसत नाही.
संपूर्ण काम हेकोणत्याही शासकीय कर्मचाऱ्याच्या अनुपस्थितीत मनमानी पद्धतीने केले जात आहे .टेस्ट रिपोर्ट घेतला जात नाही, डस्ट, सिमेंटचा दर्जा तपासला जात नाही, काँक्रिट करत असताना प्लास्टिक पेपर वापरला जात नाही, केलेल्या कामावर पाणी मारलं जात नाही आणि तक्रार करण्यासाठी ज्या वेळी वंचित बहुजन आघाडी चे माढा तालुका अध्यक्ष संबंधीत विभागात गेले असता धक्कादायक बाब समोर आली आहे. एकही कर्मचारी अधिकारी कार्यालयीन कामकाजाच्या वेळेत उपलब्ध नसल्याचे तालुका अध्यक्ष एम डी साबळे यांनी मध्यामाशी बोलताना सांगितले.
हि संपुर्ण बाब चिंताजनक असून लवकरच आशा कामचुकार व उर्मट कर्मचाऱ्याच्या विरोधात मोठं जनआंदोलन छेडणार असल्याचे साबळे यांनी सांगितले.
