🔅राहिलेली दुतर्फा अतिक्रमणे काढन्यात यावी याविषयाचे महाळुंग-श्रीपूर नगर पंचायतीला निवेदन.
श्रीपूर प्रतिनिधी,
श्रीपूर येथील मुख्य रोड लगत साधारण शंभर वर्षा पासून असणारे वडाचे डेरेदार मोठे झाड होते, त्या झाडाखाली अनेक स्थानिक नागरिक, प्रवासी उन्हाळ्यामध्ये सावलीसाठी विसावा घेत होते. त्याच झाडाची संबंधित विभागाची परवानगी न घेता, काल निम्म्यापर्यंत झाड तोडण्यात आले. ही बातमी वृक्षप्रेमी, राष्ट्रवादी काँग्रेसचे कार्यकर्ते, यांना कळताच सर्वांनी एकत्रित येऊन वृक्षतोड थांबविली.
महाळुंग-श्रीपूर नगर पंचायतीचे मुख्याधिकारी, वन परिक्षेत्र अधिकारी, जिल्हाधिकारी सोलापूर यांनी लवकरात लवकर सदर वृक्षतोड करणार्यावरती गुन्हे दाखल करण्यासंदर्भात वृक्षप्रेमी, राष्ट्रवादी काँग्रेस, शिवसेना कार्यकर्ते, नगराध्यक्षा लक्ष्मी अशोक चव्हाण व स्थानिक ग्रामस्थांनी निवेदन दिले आहे.
आज मुख्याधिकारी उपस्थित नसल्यामुळे त्यांचे निवेदन ऑफिस सुप्रीडेन्ट दत्तात्रय यादव यांनी स्वीकारले.
परिसरात राहिलेली सर्व रस्त्याच्या दुतर्फा असलेली अतिक्रमणे लवकरात लवकर काढण्यात यावीत व संबंधितांवर गुन्हे दाखल करण्यात यावेत.
सात दिवसात मागणी पूर्ण न झाल्यास संबंधित ऑफिस समोर निवेदन करते उपोषणाला बसणार आहेत असे देखील निवेदनात म्हटले आहे.
यावेळी निवेदन देताना राष्ट्रवादीचे गटनेते नगरसेवक राहुल रेडे -पाटील, नामदेव इंगळे, रावसाहेब सावंत-पाटील, शिवाजी रेडे, विक्रम लाटे, नामदेव पाटील, मौला पठाण, संजयकुमार घोंगाणे, जगदीश इंगळे, शिवसेनेचे नितीन वाघमारे, माने यांच्यासमवेत अनेक स्थानिक ग्रामस्थ उपस्थित होते.