|चांदापुरी प्रतिनिधी |
जनसामान्यांची आधारभुत संघटना असणाऱ्या सेंट्रल ह्यूमन राईट संघटनेच्या तालुका उपाध्यक्षपदी रशिद गुलाब शेख यांची निवड करण्यात आली. ही निवड राष्ट्रीय अध्यक्ष डॉ. कुमार लोंढे यांच्या आदेशाने व नॅशनल कोअर कमिटी यांच्या मार्गदर्शनाखाली करण्यात आली .यावेळी बोलताना रशिद शेख यांनी आपले मनोगतात माझ्या पदाचा वापर सदैव समाज सेवेसाठी समर्पित भावनेने मी कार्यरत राहील अशी ग्वाही दिली.
पुढे बोलताना भारत या राष्ट्र संकल्पनेविषयी जागरूक असणाऱ्या आणि जिव्हाळा जपणाऱ्या तमाम भारतीयांना पैकी मी एक सर्वसामान्य नागरिक या जाणिवेचा धगधगता ज्वलंत अविष्कार ओळख असणारा व सर्वधर्मसमभाव ही आठवण स्मरणात ठेवणारा सामान्य कार्यकर्ता आहे. डॉक्टर कुमार लोंढे व नॅशनल कोअर कमिटी दिल्ली यांच्या समवेत काम करताना संघटनेच्या गतवैभवाचा इतिहास रोमांचक स्थितीमध्ये आणण्यासाठी जीवापाड मेहनत घेऊन संघटना वाढीसाठी विश्वासाने काम करू अशी ग्वाही दिली.
माळशिरस तालुक्यातील विविध संघटनांनी रशिद शेख यांच्या नियुक्तीचे स्वागत केले आहे . सध्या रशिद शेख चंदापुरी चे पत्रकार म्हणून काम पाहत आहेत. त्यांच्या निवडीबद्दल सर्व स्तरातून त्यांचे अभिनंदन होत आहे.
