गोरगरिबांसाठी मोफत व्हेंटिलेटर बेड उपलब्ध करून द्या..!- युवा सेनेचे स्वप्निल वाघमारे यांची मागणी

अकलूज प्रतिनिधी/
राज्यभरात कोरोनाने थैमान घातलेले असुन सोलापूर जिल्ह्यातील माळशिरस तालुक्यात सर्वाधिक रूग्णसंख्या आहे.ही संख्या दिवसेंदिवस वाढत आहे. सर्व शासकीय व खाजगी हॉस्पिटल्समधील ऑक्सिजन बेड व व्हेंटिलेटर बेड फूल झाले आहेत. या परिस्थितीत प्रत्येक जण कोणतीही किंमत मोजून उपचारसाठी बेड मिळवण्यासाठी झुंजत आहे.
सध्याच्या परिस्थितीमध्ये सोलापूर जिल्ह्यामध्ये शहर व ग्रामीण भागातील रुग्णांना मोफत उपचार फक्त शासकीय जिल्हा रुग्णालय,सोलापूर येथेच आहे. परंतु येथेही मुबलक व्हेंटिलेटर बेड असल्याने ते कायम फुल असतात. अशात ज्या रुग्णांची खर्च करण्याची परिस्थिती आहे असे रुग्ण खाजगी दवाखान्यात इलाज घेत आहेत परंतु ज्यांची खाजगी रुग्णालयांमध्ये खर्च करण्याची आर्थिक क्षमता नाही व शासकीय जिल्हा रुग्णालयात त्यांची सोय होत नाही, असे दुर्दैवी रुग्ण घरीच आत्यअवस्थेत आहेत ते उपचार घेऊ शकत नाहीत. ज्या रूग्णांची आर्थिक क्षमता नाही अशा सर्वसामान्य जनतेसाठी व्हेंटिलेटर बेडची सोय व्हावी यासाठी युवासेना जिल्हायुवा अधिकारी स्वप्निल वाघमारे यांनी युवासेना प्रमुख तथा पर्यावरण मंत्री आदित्यजी उद्धव साहेब ठाकरे यांना विनंती केलेली आहे.
अकलूज येथील शासकीय उपजिल्हा रुग्णालयात फक्त ऑक्सिजनचे बेड आहेत. त्यातील किमान 20 बेड व्हेंटिलेटर बेड म्हणून मिळाल्यास गोरगरिबांसाठी अत्यंत उपयुक्त ठरणार आहेत व अशी अपेक्षा महाविकास आघाडी सरकारकडून व्यक्त केली जात आहे. अशा आशयाचे पत्र जिल्हाप्रमुख वाघमारे यांनी दिले आहे.