प्रतिनिधी,
निवेदन देऊन सुद्धा माढा तहसील दार यांच्या आशीर्वादाने पुरवठा विभागात होतेय दिवसा ढवळ्या गरीब जनतेची लूट.
मागील काही दिवसांपूर्वी वंचित बहुजन आघाडीच्या कार्यकर्त्यांनी पुरवठा विभागात काही कंत्राटी कामगार हे खेड्या पाड्यातील अशिक्षित तसेच गरीब लोकांकडून राशन कार्ड ऑनलाईन करणे, नाव वाढवणे, कमी करणे अशा कामांसाठी पैसे घेत असल्याचे लेखी निवेदन तहसीलदार साहेब यांना देऊन सुद्धा राजरोस पणे गरीब लोकांकडून पैसे उकळले जात आहेत.
जर तहसील दार साहेबाना या सर्व बाबींची कल्पना देऊन सुद्धा बेकायदेशीरित्या पैसे घेतले जात असतील तर स्वतः तहसीलदार साहेब यामध्ये भागीदार असावेत अशी शंका मनात आल्याशिवाय राहत नाही.
संबंधीत सर्व गोष्टींची माहिती घेऊन सबंधित विभागात काम करणारे कंत्राटी कामगार त्वरित काढून त्या ठिकाणी शासकीय कर्मचारी नियुक्त करावे अन्यथा पुराव्यासह जिल्हाधिकारी साहेब यांच्या कडे तक्रार करणार असल्याचे वंचित बहुजन आघाडी चे माजी माढा तालुका अध्यक्ष एम.डी. साबळे यांनी आमच्याशी बोलताना सांगितले.