नीरा नरसिंगपूर : दिनांक: 31
प्रतिनिधी: डॉ सिद्धार्थ सरवदे.
निरा नरसिंहपुर तालुका इंदापूर येथे महाराष्ट्र राज्याचे लोकप्रिय राज्यमंत्री व इंदापूर तालुक्याचे लाडके आमदार आदरणीय माननीय श्री. दत्ता मामा भरणे यांच्या वाढदिवसानिमित्त प्रिस्टाइन आयुर इंडिया पुणे यांच्यामार्फत आयुर्वेदिक शिबीर घेतले गेले.या शिबिरामध्ये एका व्यक्तीच्या शरीराच्या 35 पेक्षा जास्त संगणकीकृत तपासण्या करण्यात आल्या तसेच तज्ञ डॉक्टरांकडून तपासण्या, योग्य निदान, उपचार आणि मार्गदर्शन करण्यात आले.
या कार्यक्रमाचे आयोजन हे नीरा नरसिंगपूर गावचे सरपंच प्रतिनिधी श्री. चंद्रकांत सरवदे व माजी उपसरपंच श्री विठ्ठल काका देशमुख आणि श्री प्रशांत भैय्या बादले पाटील यांनी केले होते. यावेळी प्रिस्टाईन आयुर इंडिया यांचे डॉ. सपना भोसले मॅडम,डॉ.भूषण माळी,गणेश कुंभार, अक्षय टिंबरे तसेच नीरा नरसिंगपूर गावचे सुप्रसिद्ध डॉ.श्री. सिद्धार्थ सरवदे उपस्थित होते.
या आरोग्य शिबिरामध्ये सुमारे 500 हून जास्त लोकांनी आपल्या शरीराची तपासणी करून घेतली आणि या कार्यक्रमाचे आयोजन केल्याबद्दल सरपंच प्रतिनिधी चंद्रकांत सरवदे व माजी उपसरपंच विठ्ठल काका देशमुख यांचे आभार मानले व राज्यमंत्री आदरणीय माननीय श्री.भरणे मामा यांना वाढदिवसाच्या शुभेच्छा दिल्या तसेच आत्ता जसे मामांच्या हातून इंदापूर तालुक्याचा विकास हा खूप छान, भव्य व दिव्य होत आहे असाच विकास भविष्यात व्हावा अशी नरसिंह चरणी प्रार्थना केली सर्व ग्रामस्थांना व तपासणीसाठी आलेल्या रुग्णांना नरसिंहाचा प्रसाद देऊन आरोग्य शिबिर संपन्न झाले.
