मोहिते-पाटील गटाचे भिमराव रेडे-पाटील व राष्ट्रवादी पार्टी यांची
एकत्रित सत्ता स्थापन.
महाळुंग -श्रीपूर नगरपंचायती मध्ये मोहिते-पाटील गटाचे भिमराव
रेडे-पाटील व राष्ट्रवादी पार्टी यांनी गावाच्या विकासासाठी एकत्रित येऊन
सत्ता स्थापन केली आहे.
त्यामध्ये सहकार महर्षी शंकरराव मोहिते-पाटील
पुरस्कृत यमाईदेवी विकास आघाडीच्या नगराध्यक्षा लक्ष्मी चव्हाण तर
उपनगराध्यक्ष पदी भिमराव रेडे-पाटील यांची बिनविरोध निवड झाली आहे.
महाळुंग-श्रीपूर नगरपंचायत 17 जागेसाठी निवडणूक झाली. त्यामध्ये
सर्वाधिक जागा राष्ट्रवादी काँग्रेस पार्टीला सहा जागा मिळाल्या. सहकार
महर्षी शंकरराव मोहिते-पाटील पुरस्कृत यमाईदेवी विकास आघाडीचे भिमराव
रेडे-पाटील यांचे पाच जागा, नानासाहेब मुंडफणे यांच्या स्थानिक आघाडीला
चार जागा, तर काँग्रेस व भाजप यांना प्रत्येकी एक जागा मिळाली आहे.
त्यामध्ये भाजपचे नगरसेवक प्रकाश नवगिरे यांनी मोहिते-पाटील समर्थक
भिमराव रेडे-पाटील याच्या गटाला पाठिंबा दिला आहे.
तर नानासाहेब मुंडफणे
यांचे चार नगरसेवक व काँग्रेसचा एक नगरसेवक तटस्थ राहिले.
सहकार महर्षी शंकरराव मोहिते-पाटील पुरस्कृत यमाईदेवी विकास स्थानिक
आघाडीचे भिमराव रेडे-पाटील यांचे 5 व राष्ट्रवादी कांग्रेस पार्टीचे
प्रमुख राहुल कुंडलिक रेडे-पाटील यांचे 6 आणि भाजपचा एक असे एकूण बारा
संख्याबळ होऊन सत्ता स्थापन झाली आहे.
महाळुंग-श्रीपूर नगरपंचायती वर रेडे-पाटील यांची सत्ता स्थापन:
गेली अनेक वर्ष महाळुंग ग्रामपंचायत वरती रेडे-पाटील यांचा सत्ता
स्थापनेत वर्चस्व असलेला इतिहास आहे. त्यातच नव्याने निर्माण झालेल्या
महाळुंग-श्रीपूर नगरपंचायती वरती प्रथम सत्ता स्थापन करण्याचा मान
रेडे-पाटील यांना मिळाला आहे.